Loredana Zefi është njëra ndër këngëtaret më të dashura të publikut shqiptar dhe jo vetëm.

Ajo ka marrë gjithmonë vëmendjen me paraqitjen e saj dhe me këngët e veçanta që realizon.

Repreja që jeton dhe vepron në Zvicër, ka dhuruar 150 mijë euro për vërshimet që kanë ndodhur muajin e kaluar në Kosovë.

Kjo u bë e ditur nga ish-presidenti, Behgjet Pacolli i cili tha se Loredana në bashkëpunim me një kompani zvicerane kanë kontribuar në fondacionin e tij “Fonacioni Behgjet Pacolli”.

Për këtë gjest mjaftë human, bukuroshja shqiptare nuk e ka përmendur të paktën deri me tani.

Kujtojmë se edhe ish-partneri i Loredanes, reperi nga Ferizaj, Mozzik ka dhuruar 20 mijë euro për vërshimet që kanë përfshirë disa komuna të vendit.

E në mesin e Loredanes e Mozzikut, ishin edhe shumë yje të tjerë të estradës që dhuruan sado pak për tu dal në ndihmë qytetarëve të prekur.

Në një konferencë për media të organizuar nga Begjet Pacolli lidhur me fondacionet që janë dhuruar për vërshimet, ishte e pranishme edhe reperja Loredana Zefi./arbresh.info/